- Languages :
- English
- | Français
- | Kinyarwanda
| akaga Says | On: 2010-04-21 20:13:07 |
| Message Title: reba ibyo bavuga | |
| Message: Icyo Komite Ishyigikiye FDU-Inkingi itekereza ku ijambo ryavuzwe n’Umukuru w’Igihugu, Paul Kagame, ku munsi wo kwibuka jenoside ku nshuro ya 16 (13.04.10) Abanyarwanda bakangukiye demokarasi. FPR niyo kidobya. Kuri uyu wa gatatu taliki ya 07/04/2010, ubwo twibukaga ku nshuro ya 16 jenoside yabaye mu mwaka w’1994, Perezida Paul Kagame, mu ijambo rikarishye, ryuzuye ubukaka n’ubushotoranyi, yikomye abayobozi b’amashyaka atavuga rumwe n’ubutegetsi bwe muri rusange, ariko yijundika ku buryo bw’umwihariko Madamu Victoire Ingabire Umuhoza, Umuyobozi wa FDU-Inkingi akaba n’Umukandida w’iryo shyaka mu matora y’Umukuru w’igihugu azaba muri Kanama 2010. Abo bayobozi batavuga rumwe nawe, yabise « abanyapolitiki-gashozamvururu », « abantu batagira inkomoko » … « imburamumaro », ndetse yemeza ko ari « abantu baje mu masakoshi y’abazungu bifuza ko bayobora u Rwanda », ngo bityo barwadukanemo imigenzo n’imigenzereze mvaburayi ; aha akaba yarashakaga kuningura ubutegetsi butangwa na rubanda kandi bugakorera rubanda, aribwo demokarasi, ngo nyamara iyo mitegekere « abazungu barayigezeho bamaze imyaka amagana…n’ibihumbi » bayiharanira. 1. Ngayo amagambo gashozantambara, yuzuye agasuzuguro no kwivovota, ubundi akwiye guharirwa abantu nka Patrick Hooligan, Perezida Kagame yavuze ku munsi nk’uyu w’icyunamo, aho abacikacumu ibihumbi n’ibihumbagiza bari bategereje k’umuntu wese, cyane cyane k’Umukuru w’Igihugu, ijambo rihumuriza kandi risana imitima. ijambo rikubiyemo ibitekerezo bihamye n’ubutumwa bwo kugeza ku banyagihugu ubwabo, ku batuye akarere, ndetse n’isi yose. Bityo, Umukuru w’Igihugu Paul Kagame yerekanye ko akiri imbohe ya bya bihe u Rwanda rukeneye kurenga, ariko rutibagiwe ibyabaye, kugira ngo rwubake ejo hazaza huje ituze n’umutekano ku bana barwo bose. 2. Mu rwego rw’imikino, cyane cyane mu mupira w’amaguru, gashozamvururu ni umufana w’ikipe runaka ukoresha ingufu, imvururu n’amahane kugirango arebe ko umukino warangira uko abyifuza. Muri politiki naho rero, gashozamvururu ni umuyoboke w’ishyaka rikoresha imidugararo n’amahane kugira ngo mu ruhando rwa politiki, abe ariwe ujya kw’isonga. Mw’ipiganwa rya politiki riteganijwe mu bihe biri imbere, ni ukuvuga amatora y’Umukuru w’igihugu yo muri Kanama 2010, abayobozi b’amashyaka atavuga rumwe n’ubutegetsi muri rusange, n’abayobozi ba FDU-Inkingi k’uburyo bw’umwihariko, nta kindi bimirije imbere uretse kujya impaka za politiki mu ituze kandi ku buryo bwubahirije amategeko. Nta na rimwe bigeze bimakaza inzira y’ingufu. 3. Mu rwego rwo guteza akavuyo n’imvururu, abayobozi ba FPR muri rusange n’umuyobozi wayo Paul Kagame k’uburyo bw’umwihariko, ni ba Kamenyero : kuva mu mwaka w’1990, bakoresha buri gihe ingufu mu gucyemura ibibazo bya politiki, yaba ireba igihugu ubwacyo, cyangwa politiki mpuzamahanga. 4. Muri 1990, mu gihe nyamara hariho imishyikirano hagati y’Igihugu cy’u Rwanda n’Igihugu cy’u Buganda kugira ngo ikibazo cy’impunzi z’abatutsi gikemuke burundu, baratanguranywe batera u Rwanda baruroha mu ntambara. Icyo gihe rero batera u Rwanda, bakoze amakosa akomeye cyane yo guhungabanya umutekano w’abanyarwanda kandi Itegeko rihana ibyaha (mu ngingo yaryo ya 164 n’izikurikira) ribibuza. None, izo ngingo nizo barimo gukoresha ngo bagerageze kureba uko bakatira burundu Umuyobozi wa FDU-Inkingi bakoresheje ibimenyetso by’ibihimbano nko kuvuga ko akorana n’udutsiko tw’indwanyi tuzwi (nka FDLR) cyangwa bihimbiye ubwabo (nka CDF, Impuzamugambi ziharanira Demokarasi). 5. Muri Mata, umwaka w’1994, kugira ngo ishyirwa mu bikorwa ry’Amasezerano y’Amahoro ya Arusha rigende uko bo babyifuza, barashe indege y’Umukuru w’Igihugu wayoboraga u Rwanda icyo gihe, Juvénal Habyalimana, banahitana ingunga imwe Umukuru w’Igihugu cy’u Burundi Cyprien Ntaryamira, ibyegera byabo byose n’abakozi b’indege bose. Ku bakurikiranira hafi iby’u Rwanda, icyo gikorwa cy’iterabwoba mu gihe cy’amahoro, kuko amasezerano yashyizweho umukono n’impande zombi (Leta y’u Rwanda na FPR) yari yarahagaritse intambara, nicyo cyabaye imbarutso ya jenoside. Barasa indege ya Perezida Habyarimana, banahohoteye Umukuru w’Igihugu cy’amahanga, bityo batera nkana icyuho mu nzego z’ubuyobozi z’u Burundi. 6. Mu kwezi kwa Mata muri 1995, ngo kugirango bakemure ikibazo cy’abavanywe mu byabo n’intambara b’i Kibeho (mu majyepfo y’uburengerazuba bw’u Rwanda), bohereje ingabo, zigota inkambi z’abavanywe mu byabo n’intambara, maze zirabacucuma zikoresheje intwaro za rutura. Mu munsi umwe gusa, bishe nibura abantu 8.000, hafi ya bose bakaba barakomokaga mu bwoko bw’abahutu. Kuba Umuyobozi wa FDU-Inkingi yarakomoje ku kababaro k’abo bantu, n’uko nabo tugomba kubibuka, byabaye intandaro yo kumugerekaho icyaha cyo gupfobya jenoside. 7. Hagati y’imyaka 1996-1997, kugira ngo bakemure ikibazo cy’impunzi z’abanyarwanda bari barundanye mu burasirazuba bwa Repubulika iharanira Demokarasi ya Kongo, RDC (yahoze ari Zaïre), bagose inkambi z’impunzi, maze barazicucuma bakoresheje intwaro za rutura. Bityo bahatira abacitse ku icumu gutaha, abandi babakwiza imishwaro, batazi iyo bava n’iyo bajya, bomongana mu mashyamba y’inzitane ya Kongo. Niho abasaga 300.000 muri bo batikiriye. 8. Mu mwaka w’1996 no mu mwaka w’1998, mu gukemura ubwumvikane buke burebana n’imiyoborere y’igihugu yari yavutse hagati yabo na Nyakwigendera Col. Lizinde Théoneste wahoze ari umudepite wa FPR ndetse na Nyakwigendera Seth Sendashonga wahoze ari minisitiri w’ubutegetsi bw’igihugu wa FPR, bohereje udutsiko tw’inkoramaso kubatsinda i Nairobi (muri Kenya). Mu gukingira ikibaba bamwe mu bicanyi, ntibatinye kwitwaza ko abo bicanyi bafite ubudahangarwa bw’abahagarariye igihugu cyabo mu kindi gihugu, bityo bakaba badashobora guhanwa. Niba rero, nk’uko tumaze kubibona, hari abanyapolitiki ba gashozamvururu, ntabwo bagomba gushakirwa muri FDU-Inkingi. Ababashaka, bazabasanga ku isonga rya FPR-Inkotanyi. 9. Naho kubirebana n’isano Umukuru w’Igihugu Paul Kagame arimo kugeregeza gutsindira Umukuru wa FDU-Inkingi, Victoire Ingabire Umuhoza, n’abahaniwe ibyaha bya jenoside, cyane cyane Joseph Ntawangundi, twamucira umugani Umubarankuru wo mu gihugu cya Bénin witwa Florent Couao-Zotti yaciye agira ati « Ingurube siyo yari ikwiye kwitanguranwa isakaza ko urugo rw’intama rudasukuye !». Icya mbere, kugeza magingo aya, Ingoma ya FPR ntirigera ishobora kwerekana k’umugaragaro dosiye y’iburanisha n’ikatirwa rya Joseph Ntawangundi mu w’2007, nk’umuntu udahari. Nyamara tuzi neza uko kwiyemeza icyaha kwa Ntawangundi byagenze mw’ikatirwa rye ryo kuwa 24/03/2010, cyane cyane duhereye k’ubuhamya bwa Jenerali Kayumba Nyamwasa wahoze ayobora ishami ry’ubutasi, akaba yarivanye muri ubwo buriganya bwo kwemera icyaha atakoze. Icya nyuma, ni uko FPR n’Umuyobozi wayo Paul Kagame nta somo na rimwe bashobora guha uwo ari we wese : ikimenyimenyi ni uko nta muntu wabara uruhuri rw’abadepite bayo buzuye mu buroko ngo bazira icyaha cya jenoside, ikaba inabarizwamo nibura ibikomerezwa mirongo ine byo hejuru, ubu bakurikiranywe n’ubutabera mpuzamahanga baregwa ibyaha byo kurimbura inyoko muntu. 10. Naho kubirebana no kurega Umukuru wa FDU-Inkingi kuba igikoresho cy’abazungu baba bashaka kumugira ku ngufu Perezida w’Igihugu, biratangaje cyane kumva bivuzwe n’umuntu wUmukuru w’Igihugu. Twibutse ko Perezida Kagame yafashe ubuyobozi bw’ingabo za FPR, ubwo yari ahagaritse ihugurwa yari amaze igihe gito atangiye mu ishuri ry’intambara ry’ahitwa Fort Leavenwoth (i Kansas muri Leta Zunze Ubumwe z’Amerika) nk’umwe mu ngabo nkuru z’igihugu cy’u Buganda. N’ubwo yari yaragerageje kwiga utwaka ducye tw’amashuri yisumbuye, yayoboye Ingabo za FPR zitera u Rwanda atari azi, na we rutamuzi kuko hari hashize imyaka 30 yararuvuyemo. Ntabwo rero ariwe ukwiye kuvuga iby’abayobozi batagira iyo bava kandi bakorera inyungu z’abanyamahanga. 11. None, ni iki umuntu akwiye gutekereza ku cyemezo cye cyo gushyigikira Leta ya Bush, igihe yagabaga ibitero muri Irak muri 2003, kandi Umuryango w’Ubumwe bw’Afurika ndetse n’Umuryango w’Abibumbye (ONU), barimo kubyagana mu ijwi rimwe ? Ni iki umuntu akwiye gutekereza ku ntambara y’ubucanshuro yashoyemo igihugu ajya guhirika Ubuyobozi bwemewe n’amategeko muri Repubulika iharanira Demokarasi ya Kongo mu w’1998 ? Iyo ntambara ni nayo yatumye umutwe wa FDLR uvuka, none ubu ukaba waramubereye urwitwazo rwo gukomeza kwendereza no gutera icyo gihugu cy’abaturanyi, agamije kugicamo uduce, kuko atagishoboye kukigabira abo yishakiye. 12. FDU-Inkingi isanga ibyo kwitwaza ko abanyarwanda baba ngo bataraca akenge bihagije ku buryo bashobora kwihitiramo abayobozi n’inzego bibanyuze, ngo bakaba bagomba « gutegereza imyaka amagana…ibihumbi », ibi bigaragaza agasuzuguro karenze uwo muntu afitiye Abanyarwanda. Mu Burayi, ingoma zitashakaga ko abaturage bihitiramo abayobozi n’ubuyobozi bibanogeye, na zo zashakaga urwitwazo ko ngo rubanda ikiri ibitambambuga ku buryo itashobora guharanira no kurengera uburenganzira bwayo. Bityo, uburengazira bwo gutora bugaharirwa gusa abakungahaye n’abize amashuri. Babonye ko bitagishobotse gukomeza gukumira imbaga, bavumbuye indi turufu y’igitsinagore, bavuga ko abategarugori batiteguye guharanira no kurengera uburenganzira bwabo kuko bakiri abangavu muri politiki. 13. Muri Afurika, mu gihe abazungu bari muri politiki y’ubushyamirane hagati y’abiburasirazuba n’abiburengerazuba, ingoma zose zarangwaga n’igitugu nazo zakoreshaga ubwo buriganya. Muri Afurika y’epfo, Ingoma ya ba gashakabuhake yari ishingiye ku kato n’ivangura, nayo yarabyitwaje yemeza ko abirabura nta bushobozi bafite bwo guharanira no kurengera uburenganzira bwabo. Ubu rero mu bihe tugezemo, urwo rwitwazo ni karahanyuze. Mu Rwanda, FPR niyo yonyine isigaye igundiriye umwite, Abanyarwanda bo barakataje. Ishobora gufata igihe ishatse ngo yishyire ku gihe, ariko ntigomba guhatira abanyarwanda kuyitegereza. Nyamara niyo ubwayo yirirwa yiyamamaza ko ari mudahigwa mu byerekeye uburinganire hagati y’abagabo n’abagore, ubwisanzure bwa rubanda, ubuyobozi buzira amakemwa, ndetse n’iterambere. Kubona Umukuru w’Igihugu Paul Kagame avuga ko kwihitiramo ubuyobozi n’abayobozi binyuze rubanda ari « umurage » udafite aho uhuriye n’u Rwanda, ibyo ari ukugira ngo yihe Butamwa na Ngenda akomeze ategekeshe igitugu ari nako ashishikarira kwigwizaho umutungo w’igihugu, byerekana ko ari amagambo gusa. Ubu politiki igeze mu mahindura. Barabeho abagishaka kugundira ubutegetsi bakoresheje uburiganya n’ingufu, barakaza neza abayobozi bazi gushishoza kandi basaranganya ubutegetsi ndetse n’akazi, bakamenya aho ingufu zabo zigarukira, bityo bekegura bakegama, kuko ntawe ushobora kuba mushobora byose. 14. Abanyarwanda, kimwe n’abatuye iyi si bose, bafite rwose ubushobozi buhamye bwo kwihitiramo abayobozi. Bafite ubushobozi buzira inkomyi bwo kwihitiramo uburyo bubanogeye bwo gucunga no gusaranganya ubutunzi bw’igihugu, bashingiye kuri gahunda bihitiyemo Nyuma y’imyaka cumi n’itandatu, gukomeza kwitwaza jenoside kugirango ucunge igihe, ukomeza kuvutsa abanyarwanda uburenganzira bwabo bwo guharanira no kurengera uburenganzira bwabo, ibyo ntibigishobotse. Igihe kirageze ko FPR n’Umukuru w’Igihugu Paul Kagame babyumva kandi bakabishyira mu ngiro. Bikorewe i Lyon, taliki ya 08 Mata 2010 Mu izina rya Komite Ishyigikiye FDU-Inkingi Eugène NDAHAYO Perezida Fichiers relatifs: Icyo_Komite_Ishyigikiye_FDU-Inkingi_itekereza_ku_ijambo_rya_P.Kagame_1_.pdf © 2007 FDU-UDF INKINGI | www.fdu-udf |
|
| andrew Says | On: 2010-04-14 11:56:43 |
| Message Title: gusaba kugenzura!!!! | |
| Message: muraho namahoro,mubyukuri abanyarwanda twishimira urwego rw'umuvunyi uburyo rukora mukurenganira abarengana kandi bakagira nuruhare rwokurwanya ruswa ariko hari nikindi mbisabira muba mukwiye gutera akashisho kunteko nshinga mategeko uburyo yiherera igashyiraho amategeko agenga cyangwa ayobora abaturage kandi abo baturage batagizemwo uruhare rwogutanga ibitekerezo ry'uburyo ayo mategeko akwiye kumera urugero iminsi ishize bwamna Ruzirabwoba Rwanyindo igihe yatangaga igitekerezo cyuko bakwiye kubanza bakegera abaturage bakumva uko batekereza cyangwa batanga ibiteko byuko itegeko nshinga rwahindurwa inshuro yakane maze bagiye kumubwira bamubwiye bati ntabwo dushobora kujya mubaturage tuzabyikorera twenyine kandi koko nikwo byagenze,aho itegeko nshinga ryari rifite ingingo zigera kuri 230 nimisago ariko ubu baricaye maze baziganiraho bonyine barazigabanya bazigeza muri 178 nimisago abaturage batabizi baranaryemeza barikubitaha signiture kandi bazaryemeza mu kwakarindwi bibwe guryo ubwose sukubindikiranya abaturage maze ngo iyo niyo democracy,so ubwo muzatubarize murakoze |
|
| muzuka benjamin Says | On: 2010-03-15 20:08:33 |
| Message Title: It was recalled from old one in MINALOC | |
| Message: By Ignatius Ssuuna KIGALI - Partial findings by the Fund for support of genocide survivors (FARG) probe team, indicate that the housing program for survivors was messed up and the government is losing money. The probe team, set up January 20, to establish whether money sent to construct houses for genocide survivors matches the actual work done, comprises officials from ministries of Local Government, FARG, police, prosecution and Ibuka. A source from the Office of Prosecutor General, told The New Times yesterday, that investigations conducted reveal districts have been sending inflated figures to cheat government. The source cited the Western Province where districts said that 10,000 survivors needed houses, but, it was discovered that less than 548 survivors actually needed housing. “Everything was being done with the full knowledge of district leaders who wanted to cheat government,” the source, who is part of the team currently investigating the matter, said. Jean de Dien Udahemuka, one of the coordinators of the probe team from FARG said they had got useful information during the investigation and those responsible for the mess will be punished. He said the team had so far covered twelve districts where it discovered glaring mistakes. In some cases, Udahemuka explained, survivors would sell their new houses and move to another village, only to be put on a new list of beneficiaries. “Things have been messed up and we are trying to find a permanent solution,” Udahemuka explained in a telephone interview yesterday. Udahemuka attributed most of problems to the fact that districts lack a verification data system. But, hastened to add that, to curb forgery, a data base with all the beneficiary’s details will be set up once the probe team completes its exercise. |
|
| First Prev ( Page 1 of 5 )NextLast | |