Afite Impamyabumenyi ya Kaminuza mu by’amategeko kandi yakurikiye amahugurwa atandukanye ku bijyanye no guteza imbere ubucuruzi ndetse n’ibijyanye n’ubucuruzi  bw’umutungo kamere. Ubu arigira Impamyabumenyi y’ikiciro cya gatatu cya Kaminuza (Masters) mu by’imicungire n’Imiyoborere y’ubucuruzi. Ku bijyanye n’imirimo yakoze nk’umwuga ni muri Office y’Amakawa aho yagiye agira inshingano zitandukanye (Umuyobozi wa Section, Umuyobozi wa Service, Umuyobozi wa Ofisi y’amakawa ). Kuva mu 2000 kugeza mu 2004, yabaye  umukomiseri muri  Komisiyo yateguraga Itegekonshinga rya Repubulika y’uRwanda. Kuva muri Werurwe 2006 kugeza mu Kuboza 2006 yabaye Umunyamabanga Uhoraho w’Urwego rw’Umuvunyi. Kuva icyo gihe kugeza ubu ni Umuvunyi wungirije ushinzwe kurwanya Ruswa.