Inshingano z’Urwego ni izi zikurikira:

1º Gukumira no kurwanya akarengane na ruswa;

2º Gutoza Abanyarwanda indangagaciro zo kwanga, gukumira, kwirinda no kurwanya akarengane na ruswa;

3º Gusuzuma no gukora igikwiye ku bibazo by’akarengane na ruswa bitakemuwe n’inzego zibishinzwe; 4º kwakira no kugenzura imenyekanishamutungo;

5º Kugira inama Guverinoma mu gushyiraho no guteza imbere politiki n’ingamba byo gukumira, kurwanya no guhana akarengane na ruswa;

6º Gukurikirana uko politiki n’ingamba byo gukumira no kurwanya akarengane na ruswa bishyirwa mu bikorwa;

7º Gushyikirana no gukorana n’inzego zo ku rwego rw’akarere no ku rwego mpuzamahanga bihuje inshingano;

8º Gushyira mu bikorwa izindi nshingano rwahabwa n’itegeko.

 

Urwego rufite ububasha bukurikira:

1º Kwakira, gusuzuma no gukurikirana ibibazo, ibikorwa n’ibyemezo byerekeranye n’akarengane;

2º Kwakira, gushakisha, gukurikirana no gusesengura amakuru kuri ruswa no gushyikiriza ibyagaragaye inzego bireba;

3º Gukurikirana ibibazo by’akarengane na ruswa rwashyikirije inzego kugira ngo bikurikiranwe cyangwa bikemurwe;

4º Kwaka inzego za Leta, izindi nzego cyangwa umuntu wese inyandiko, ubuhamya cyangwa ibisobanuro bikenewe mu gusuzuma ibibazo by’akarengane na ruswa;

5º Gusaba Urukiko rw’Ikirenga gusuzuma no gusubiramo urubanza rwaciwe ku rwego rwa nyuma, mu gihe rusanga harimo akarengane, hakurikijwe ibiteganywa n’amategeko abigenga.