Kuri uyu wa 16 Ugushyingo 2024, Urwego rw’Umuvunyi rwakiriye  intumwa ziturutse mu gihugu cya Somalia mu rugendo rugamije kwigira kubyo u Rwanda rwagezeho muri gahunda zo gukumira no kurwanya akarengane. Izi ntumwa ni abanyamuryango ba Komisiyo Ishinzwe Uburenganzira bwa muntu mu Inteko Ishinga Amategeko muri icyo gihugu.

Urwego rw’Umuvunyi rwagaragarije iri tsinda ibikorwa by’Urwego rw’Umuvunyi rukora rufatanije n’izindi nzego zirimo Inteko nshingamategeko nko gukemura ibibazo by’abaturage mu turere,gukumira no kurwanya ruswa ,gahunda zo gukemura ibibazo by’amakimbirane hatisunzwe inkiko abaturarwanda bakayoboka umuco w’ubuhuza n’ibindi.

Iri tsinda  ryaturutse mu gihugu cya Somaliya naryo ryagaragarije Urwego rw’Umuvunyi ibikorwa bakora birimo n’ibihura n’iby’Urwego rw’Umuvunyi nko gukora gahunda y’ubuhuza bafatanije n’izindi nzego z’ubutabera muri icyo gihugu cya Somalia.

Abanyamuryango ba Komisiyo ishinzwe Uburenganzira bwa muntu mu Inteko Ishinga mategeko

Mu gihugu cya Somalia basuye u Rwanda, bakakirwa n’Abayobozi b’Urwego rw’Umuvunyi bashimye ubushake bwa politiki y’u Rwanda mu gukumira no kurwanya akarengane bizeza kuzakomeza kwagura umubano n’imikoranire .

Abayobozi b’Urwego rw’Umuvunyi bashimye iri tsinda ryatekereje gusura u Rwanda ndetse bashima n’ubumenyi basangiye  ku nshingano inzego zombi zihuriyeho.