Kuri uyu wa Kabiri tariki 23 Ugushyingo 2021, Umuvunyi Mukuru w’u Rwanda Madamu Nirere Madeleine hamwe n’Umuvunyi Wungirije Madamu Yankulije Odette bakiriye mu biro Madamu AMADOU ABOUDOU Awa Umugore wa NANA, Umuhuza (Umuvunyi Mukuru) wa Repubulika ya Togo hamwe n’intumwa yarayoboye mu rugendo rwabo rwo kwiga.

Baganiriye ku bunararibonye bukomeye bw'u Rwanda mu gukumira no kurwanya ruswa n'akarengane. Ibiganiro byibanze cyane kuri politiki zo gukumira no kurwanya ruswa, uburyo bwo guhuza ibikorwa na gahunda zo gukumira no kurwanya ruswa n'akarengane.

Umuvunyi Mukuru w’u Rwanda, Madamu Nirere Madeleine yabwiye abashyitsi ko hamwe n’inshingano nyamukuru yo kurwanya akarengane na ruswa Urwego rw’Umuvunyi rufite, ko Urwego rwashoboye gushimangira politiki n’ingamba zo kurwanya ruswa mu gihugu. Ariko yavuze ko ibyo byose byashobotse kubera ubushake bwa Politike y’Igihugu yo kutihanganira na gato abarya ruswa (zero Tolerance to Corruption) yashyizweho na Nyakubahwa Kagame Paul, Perezida wa Repubulika y'u Rwanda.

Yashimangiye kandi ko uburyo bwo kumenyekanisha umutungo, ndetse no kubungabunga umutekano w’iyo mitungo yamenyekanishijwe biri mu ngamba zashyizweho kugira ngo ibyo bigerweho.

Yashimangiye ko "ubushake bwa politiki bwo kutihanganira na gato ruswa no kongerera ubushobozi abaturage kurwanya no gukumira ruswa byagize uruhare mu kurwanya ruswa."

Umuhuza wa Repubulika ya Togo n'intumwa yari ayoboye bashishikajwe kandi no kumenya uburyo bw'ubufatanye hagati y’Urwego rw’Umuvunyi n'ibiro by'Umugenzuzi Mukuru w'Imari ya Leta y'u Rwanda, ndetse n'uruhare rwa raporo za AOG mu gukumira no kurwanya ruswa.

Izi ntumwa zashimye imikorere myiza y’u Rwanda, cyane cyane ingamba zafashwe na guverinoma y'u Rwanda mu gukumira no kurwanya ruswa ndetse n'akarengane.