Foto: Umunyamabanga Uhoraho ari mu murenge wa Rushaki akemura ikibazo cya DUFITUMUKIZA Angelique

Umunyamabanga Uhoraho w’Urwego rw’Umuvunyi ari kumwe n’itsinda ayoboye bakurikiranye ibibazo by’abaturage bo mu turere twa Rulindo na Gicumbi kuva tariki 13 kugeza tariki 17 Nzeli 2021.

Ibi bibazo n’ibyakiriwe n’Urwo rw’Umuvunyi mu mwaka w’ingengo y’Imari 2020-2021 bitari byakemurwa n’inzego bireba. Ibi bibazo kandi ibyinshi byakiriwe muri gahunda y’ubukangurambaga bwo gukumira no kurwanya akarengane ikorwa n’Urwego rw’Umuvunyi mu turere tunyuranye tw’Igihugu. Harimo kandi n’ibindi bibazo biba byaragejejwe ku Urwego rw’Umuvunyi mu zindi nzira zisanzwe zikoreshwa mu kugeza ibibazo ku Muvunyi.

Ibyinshi mu bibazo biri muri utu turere bijyanye n’amakimbirane yo mu miryango aho umunyamabanga Uhoraho w’Urwego rw’Umuvunyi yasabye abaturage kwemera koroherana bagafasha inzego zibegereye kubakemurira ibibazo.

Ibibazo byakurikiranwe byarakemutse ibindi bihabwa umurongo bisigirwa Inzego bireba ngo zizabikemure zigeze raporo ku Urwego rw’Umuvunyi.